PROPRIETARII Monachi

PROPRIETARII Monachi

apud Scriptores Ecclesiae Romanae dicuntur, qui proprium seu proprietates, ut loquitur Ekkehardus Iun. de Casibus S. Galli, c. 11. vel peculia possident. In quos Excommunicatio semel in anno proferri consuevit, uti patet ex Honorio III. l. 4. Ep. 536. Hinc sepulturâ prohibitos, si qui in morte Proprietarii inventi, refert Vetus Statutum Monasticum, in Additam. ad Matth. Paris. p. 115. Quam in rem vide complura, apud Car. du Fresne in Glossar. Sed et Proprietas, in eadem Ecclesia officium proprium alicuius Sancti. Id.